2019 жылдың «ХХІ ғасырдағы Алаштың Ақ жолы» Жалпыұлттық Байқауы жарияланады

Байқаудың мақсаты – Алаш қозғалысының саяси тәжірибесін, экономикалық ұстанымын және рухани мұрасын қазіргі Қазақстан қоғамын жаңғырту контексінде зерделеу мен насихаттау.

Байқауға Алаш қозғалысы тақырыбында зерттеулермен айналысып жүрген 18-35 жас аралаығындағы Қазақстан және шетел азаматтары өздерінің жұмыстарымен (алғашқы үш номинация – авторлық мақала немесе эссе, төртінші номинация – БАҚ өнімі) қатыса алады.

Байқау жұмыстары қазақ, орыс, ағылшын тілдерінде қабылданады.

Байқау төрт номинация бойынша өткізіледі:

1. Алаш қайреткерлерінің мемлекеттік туралы идеяларының қазіргі Қазақстан қоғамы үшін өзектілігі мен маңыздылығы:

– Алаш және парламентаризм;

– Алаш және дипломатия;

– Алаш және саяси партиялар;

– Алаш және мемлекетті басқару формасы;

– Алаш және демократиялық құндылықтар;

– Алаш және құқықтық сана, т.б.

2. Алаш ұстанымы және бүгінгі ұлттық экономика мен әлеуметтік саланы жетілдіру мәселелері:

– Алаш қайраткерлерінің көшпелі және отырықшы шаруашылық туралы пікірталасатыр;

– Қазақстанның шикізат қоры және өнеркәсіпті дамыту;

– Алаш және еңбек қоғамын қалыптастыру;

– Алаш және нарық;

– Алаш және салық мәселесі, т.б.

3. Ұлы дала жетістіктерін зерделеудегі Алаштың рухани мұрасының орны:

– Алаш қайраткерлерінің түркі әлемініің генезисі туралы зерттеулері;

– Алаш қаламгерлері шығармашылығындағы «Алтай», «Түркістан», т.б. киелі ұғымдардың бейнесі;

– Алаш және мәдени код;

– Алаш идеялары және ұлттық бренд, т.б.

Бақ журналистері үшін арнайы номинация

4. Бүгінгі заман контексіндегі Алаш:

– Публицистикалық мақалалар;

– Деректі фильмдер;

– Хабарлар:

– Репортаждар;

– Журналистік зерттеулер;

– Сұхбаттар;

– Ток-шоу шығарылымы.

Байқауға ұсынылатын жұмыстар 2019 жылдың 1 қазанына дейін қабылданады.

Ақпараттық хат