6 желтоқсанда «Әлемнің Әуезові» республикалық шығармашылық сайысы өтеді

Әл-Фараби атындағы Қазақ ұлттық университеті «Ай-Ару» рухани-танымдық студент қыздар Орталығы республикалық ЖОО студенттерінің қатысуымен желтоқсан айының 6-шы жұлдызында әл-Фараби атындағы Қазақ ұлттық университетінің 80 жылдығы қарсаңында халқымыздың біртуар перзенті Мұхтар Омарханұлы Әуезовтің туылғанына 116 жыл толуына орай «Әлемнің Әуезові» атты республикалық шығармашылық сайыс өткізеді.

Сайыстың шарттары:

Сайысқа «Қазақ тілі мен әдебиеті», «Филология» мамандығы бойынша білім алатын жоғары оқу орындарының 3-курс студенттері, әрбір оқу орнынан 1 студент қатыса алады (өз жолымен келеді, университет студент жолақысын көтермейді).

Сайыс үш бөлімді қамтиды.

Бірінші кезең – тест бойынша сынақ. Барлығы 50 сұрақтан тұратын 2 нұсқада тест беріледі. Тест М. Әуезовтің жалпы шығармашылық мұрасына қатысты. Прозалық туындылары, драматургиясы, көркем аудармалары, әдеби зерттеу еңбектері, публицистикасы қамтылады.

Екінші кезең – эссе жазу қабілетіне сынақ. Эссе тақырыптары М. Әуезовтің өмірбаян өмірбаян кезеңдеріне қатысты болады.

Эссе бағыттары:

  • Балалық шақ. Ата өнегесі.
  • Әуезов өмірінің Семей кезеңі.
  • Алаш және Әуезов.
  • Әуезов және Абайтану.
  • Әуезов және саяси қысым.

Үшінші кезең – тірек сөздер бойынша ауызша толғам «Абай жолы» роман-эпопеясы негізінде өтеді.

Мәселен:

  • Бөжейдің асы;
  • Абайдың достары;
  • Аяулы аналар т.б.

Ақпараттық хат